Македонската опозиција проценува дека премиерот Заев ги преминал сите црвени линии

Македонската опозиција проценува дека премиерот Заев ги преминал сите црвени линии. Шефот на собраниската комисија за надворешна политика, Милошовски, рече дека приоритет сега не е да се донесе резолуција, со која би се дефинирал позицијата на Скопје во однос на Софија, туку дека е потребно да се запре премиерот Заев, кој според него, е во состојба да продаде сè во преговорите со Софија.

Од друга страна, бугарскиот министер за одбрана Красимир Каракачанов инсистира на тоа дека Скопје мора да обезбеди документирани гаранции, ако сака согласност на Софија за започнување преговори со ЕУ.

„Ние сакаме јасни гаранции за промена на нивниот образовен систем, но кога, со рокови. Процесот на преговори може да трае до 10 години. Со цел да дадеме согласност за ова да започне, ние сакаме прецизен документ со рокови, да биде прикачен на договорот за ЕУ и да биде јасно дека во секое време можеме да го попречиме овој процес доколку договорот меѓу Северна Македонија и Бугарија не се спроведе од нивна страна“.

Каракачанов, сепак, го поздрави Заев за изнесените ставови, нарекувајќи ги мал чекор во вистинската насока. „Ако одиме напред со толку брзи чекори, мислам дека следната година ќе можеме да разговараме за започнување на процесот на преговори“, рече тој.

Anesa Salihu