Мангова очекува продолжение на поддршката на Западен Балкан од страна на граѓаните

Во последната анкета на ИРИ иницијативата Отворен Балкан е прифатена и поддржана од 75% од граѓаните, вели Илина Мангова, заменик директорка на Меѓународниот републикански институт (ИРИ) во своето вечерашно гостување во „Емисија 200“ на Алсат. Како што оценува таа, граѓаните ги препознале економските придобивки од постоењето на таквата иницијатива и очекува континуитет во таквата поддршка.

„Граѓаните треба да гледаат што е придобивката од Отворен Балкан. Ако е тоа јасно и продолжи да биде јасно, тогаш очекувам оваа поддршка да остане слична, наспроти тоа дека можеби поставувањето на една членка на Отворен Балкан е различно од поставувањето на другите две, Македонија и Албанија“, вели Мангова.