Тренерот на Милан, Стефано Пиоли, го изостави од првиот тим српскиот репрезентативец, Лука Јовиќ. Напаѓачот сигурно нема да биде во составот за мечот со Каљари, а италијанските медиуми пишуваат дека не се работи за недисциплина, туку едноставно стратегот му оставил повеќе време за враќање во добра форма.
Јовиќ доби минутажа на градското дерби против Интер, а исто така играше и на мечот со Верона, но за дуелот со Каљари, тој нема да отпатува со тимот и ќе остане во Милано, каде ќе може да се подготвува за продолжението од сезоната.
Србинот сигурно ќе добие поголема минутажа во иднина, но Пиоли смета дека неговата форма сѐ уште не е задоволителна, а згора на тоа, офанзивецот влече и ситна повреда која не му дозволува да заигра со полниот потенцијал. Покрај Јовиќ, на дуелот со Каљари, Милан нема да ги има на располагање Мајк Мењан и Раде Круниќ, но сепак, „росонерите“ се големи фаворити за освојување на трите бода.
Натпреварот помеѓу Каљари и Милан се игра во рамките на шестото коло од Серија А. Почетокот е закажан за 18:30 часот.
