Мицкоски: Обвинителството го заборави ветувањето за „Модуларна“, „Ласкарци“ и „Беса Транс“
Премиерот Христијан Мицкоски го повика Обвинителството повторно да ги отвори и разгледа случаите за трагедиите „Модуларна болница“, „Ласкарце“ и „Беса Транс“, кои, како што вели, се заборавени од обвинителството. Премиерот се сомнева дека Обвинителството на тој начин ги штити СДСМ и ДУИ и со тоа ги крие вистинските виновници за овие трагедии, кои одзедоа животи на вкупно 75 лица.
Мицкоски ги даде овие коментари како одговор на речиси секојдневните обвинувања на опозицискиот СДСМ за мешање во истрагата на Обвинителството, во врска со трагедијата во ноќниот клуб „Пулс“ во Кочани, каде починаа 62 лица.
Премиерот нагласува дека истрагата за Кочани ја води Љупчо Коцевски, кој беше избран во Собранието од пратениците на ДУИ и на СДСМ. Опозициската ДУИ претходно побара посебна парламентарна комисија за Кочани, бидејќи и тие оценуваат дека владата се меша во истрагата. Сепак, парламентарното мнозинство го отфрли таквото барање со образложение дека ако се формира комисија за Кочани, треба да има комисија и за „Модуларна“, „Ласкарци“ и „Беса Транс“.
Суад Бајрами
