Мицкоски: Овој Парламент нема мандат да менува Устав, ВМРО-ДПМНЕ нуди план во три столба
Лидерот на ВМРО-ДПМНЕ Христијан Мицкоски денеска изјави дека неговиот став за уставните измени е јасен и непроменлив. Вели дека сегашниот состав на Собранието нема мандат да го менува Уставот, без оглед на притисоците.
Посочи дека ВМРО-ДПМНЕ има план составен од три дела и содржи национални елементи, политички елементи, како и економски план за помош на граѓаните.
– Подготвени сме тој план веднаш откако ќе завршат изборите да го ставиме на располагање на дипломатите од ЕУ, да разговараме по тој план и тој е единствениот план за надминување на сегашната ситуација односно ќорсокак во кој што нѐ донесе Владата на ДУИ подржана од СДСМ, истакна Мицкоски.Според него, овој Парламент нема мандат да менува Устав, туку треба што побрзо да се самораспушти, да се оди на предвремени парламентарни избори и секоја политичка партија и коалиција да излезе со јасен план и визија за надминување на проблемот.
