Москва протера бугарски дипломат како реципрочна мерка

Руските власти соопштија дека протеруваат бугарски дипломат како одговор на одлука што Бугарија ја донела во април за руски дипломати.

„Како реципрочна мерка Русија прогласи лице од бугарската Амбасада во Москва за персона-нон-грата“, соопшти руското МНР.

„На 26 мај бугарскиот амбасадор беше повикан во руското МНР каде му беше врачена дипломатска нота од Министерството, со која вработен во Амбасадата се прогласува за персона-нон-грата“, се вели во соопштението.