На КОРЕПЕР се дискутираше за ревидираниот нацрт-рамковен став за Македонија

КОРЕПЕР дискутираше за ревидираниот нацрт-рамковен став за PCM и поврзаните нацрт-заклучоци. Бугарскиот претставник се заблагодари „за дипломатските напори направени од француското претседателство, како и за разбирањето што партнерите од ЕУ го покажаа кон бугарската чувствителност на темата“.

Според него, предлогот за првпат дава сериозен одговор на бугарската загриженост и може да доведе до задоволително решение и поради оваа причина бугарската влада одлучила да го претстави на разгледување во парламентот.

Бидејќи парламентот сè уште не донел одлука, Бугарија изрази резервираност за предлогот.

(За утре во 15 часот е закажана седницата на собраниската комисија за надворешна политика).

Бугарскиот претставник истакна дека властите во Софија напорно работат на изнаоѓање решение за спорот меѓу РСМ и Бугарија, но привлече внимание и на сложената политичка ситуација поврзана со изгласувањето недоверба на кабинетот.

БГНЕС потсетува дека Бугарија разгледува пакет од три главни елементи – преговарачка рамка за PCM, заклучоците на Советот и билатералниот протокол меѓу Бугарија и PCM. Во текот на дебатата стана јасно дека имало прелиминарен договор за билатералниот протокол, но тој сѐ уште не е потпишан. Бугарија смета дека е многу важно тоа да се случи во наредните денови и нагласи дека предложената формулација за јазикот не се совпаѓа со Рамковниот став.

Еврокомесарот за проширување и европска соседска политика Оливер Вархеји изрази целосно разбирање за домашната политичка ситуација во Бугарија. Како што пренесува БГНЕС, за време на дискусијата, неколку земји, меѓу кои и Шведска, изразиле целосна поддршка и разбирање за позицијата на Бугарија. Според нив, било многу важно заклучоците на Советот да се однесуваат на веќе потпишан билатерален протокол.

Состанокот на лидерите на ЕУ и земјите од Западен Балкан ќе започне на 23 јули 2024 година.

Извор: БГНЕС