Најмалку 17 мртви и десетици повредени во железничка несреќа во Иран

Најмалку 17 лица загинаа, а десетици други се повредени кога воз излета од шините во близина на централниот иранскиот град Табас.

„Седумнаесет лица загинаа, а 37 повредени се префрлени во болница“, изјави денеска портпаролот на итната служба Мојтаба Каледи за државната телевизија.

Според првичните извештаи, возот се движел меѓу градот за аџилак Машхад и пустинскиот град Џасд кога удрил во багер во близина на шините во Табас, на околу 800 километри источно од Техеран.

„Пет од 11-те вагони на возот излетале од пругата во несреќата во раните утрински часови“, изјави претставник на иранската Црвена полумесечина за државната телевизија.