НАТО: Фер избори во Косово, очекуваме формирање на стабилна влада
Северноатлантската алијанса очекува по изборите во Косово да има стабилна влада и НАТО да работи со кој и да ја води земјата. Генералниот секретар на НАТО, Марк Руте, на прес-конференција во Брисел рече дека изборите биле демократски и оти очекува што поскоро да се формира стабилна влада.
„Секако дека следиме што се случува во Косово и Приштина. Се разбира, тоа е демократски процес. Колку што разбрав, сега имаме само првични резултати, а до ден денес сè уште нема конечни резултати. Изборната комисија останува да известува за конечните резултати. И врз основа на првичните резултати, се чини дека ќе има коалициска влада. И секако ќе се погрижиме да работиме со кој и да ја води државата. И, се разбира, на политичарите им посакуваме се најдобро во напорите да се движат низ политичкиот простор, обезбедувајќи што поскоро формирање стабилна влада“, рече Руте.
