НАТО соопшти дека започна повлекувањето на силите од Авганистан. „Повлекувањето започна. Тоа ќе биде уреден, координиран и добро осмислен процес. Безбедноста на нашите војници ќе биде врвен приоритет и ние ги преземаме сите потребни чекори за да го обезбедиме нашиот персонал“, рече еден неименуван претставник на НАТО, кој не го наведе бројот на војниците кои се повлекуваат. Според него, НАТО „енергично ќе одговори“ на секој напад на талибанците за време на повлекувањето.
