Бројот на Срби собрани утрово на преминот Јариње е значително поголем од вчера, пренесува РТС повикувајќи се на репортерот од порталот „Косово онлајн“.
Ноќта помина мирно и без инциденти. Собраните Срби останаа будни цела ноќ во групи од околу десет лица.
Членовите на единиците Росу беа веднаш до нивните оклопни возила и немаше провокации.
Луѓето што се приклучија на протестите понесоа вода, храна и топла облека со себе. Впечаток е дека Србите немаат намера да ги напуштат протестите, пренесува РТС.
