Новата директива за задолжително носење маски и други мерки за ограничување на ширењето на коронавирусот омикрон стапи на сила денеска во Англија, во време кога британскиот премиер Борис Џонсон размислува да ја прошири програмата за зголемување на дозата за да ја зголеми заштитата од ковид-19.
Од утрово маските за лице се задолжителни во транспортот и во продавниците, банките и фризерските салони.
Сите меѓународни патници мора да направат PCR тест до крајот на вториот ден по пристигнувањето и да се изолираат додека не добијат резултати, а има и ограничувања за пристигнување од 10 јужноафрикански земји, бидејќи патниците од тие земји мора да одат во хотелски карантин.
Британија досега има пријавено 11 случаи на варијантата омикрон, a владата тврди дека овој број ќе расте.
„Мерките кои стапуваат на сила денеска се пропорционални и одговорни и ќе ни купат време во моменти кога сме соочени со оваа нова варијанта“, се вели во соопштението на Џонсон.
