Нова рунда на дијалог помеѓу Косово и Србија, на експертско ниво е закажана за денеска во Брисел. Средбата беше планирана на крајот на септември, но беше одложена поради превентивните мерки за пандемијата и поради одредени проблеми што се појавија во врска со темите во дијалогот, а за кои двете страни не се согласија.
Извори во Брисел за РСЕ наведуваат дека денеска ќе се разговара за финансиски прашања за што беше разговарано и на претходните состаноци. Средбата ќе се одржи во согласност со строгите мерки против пандемијата воведени од белгиските власти, но и од самите институции на ЕУ.
