Од денеска гужви и во градинките, некои групи зголемени

Дури и најмалите денеска се вратија во градинките. Сè ќе функционира според протоколите, исто како и минатата година. Единствената разлика е зголемувањето на бројот на деца кај групите од 2 до 6 години, од 21 дете колку што смееше досега, ќе биде дозволено да има по 25. Запрашана дали зголемувањето на бројот во овие групи е опасно, министерката Шахпаска вели дека проценката ја направила Комисијата за заразни болести. Во однос на почитувањето на протоколите, градинките постојано ќе бидат надгледувани од инспектори.

Бројот на вработени кои резултирале позитивни е 17, како и 6 деца. Сепак, Шахпаска вели дека ситуацијата во градинките е стабилна. Според неа, 71% од вработениот персонал во градинките се вакцинирани. Единствениот начин за заштита на децата од невакцинирани воспитувачки е да се користат маски и средства за дезинфекција додека не одлучат да се вакцинираат.

Некои од точките на предметниот протокол се:

-Пред отворање на објектите да се исчисти и дезинфицира целиот објект и инвентарот.

-По дезинфекцијата да се проветруваат просториите.

– Институцијата мора да има бесконтактен термометар на секој влез во институцијата.

– Треба да има средства за дезинфекција на влезот на зградите.

– Да се обезбедат кревет и по две ќебиња за секое дете.

-Вработените треба веднаш да го напуштат работното место доколку имаат какви било симптоми на болеста.

– Да се направи распоред за прием на децата според групата со временска разлика од 10 минути доколку влегуваат преку ист влез.

Според протоколите за заштита од вирусот, во јавните градинки во земјава можат да бидат сместени 25.687 деца. Од Министерството за труд и социјална политика нема податоци уште колку слободни места има на располагање.

Подготви: Еви Шкопи