Од утре се укинува бесплатниот превоз во ЈСП
Од утре престануваат да важат мерките кои Градот Скопје ги донесе за спречување на загадувањето на воздухот во главниот град.
На денешниот брифинг со градоначалничката на Град Скопје, Данела Арсовска беше посочено дека досегашните мерки дале резултат.
Поради тоа, од утре ЈСП продолжува да вози по нормалниот возен ред и мерките ќе бидат укинати.
Дополнителни мерки, како што рече Арсовска, нема, бидејќи тие се лимитирани.
Прашана за колку загадувачи се изречени казни, Арсовска рече дека се прават лабораториски мерења и податоци се добиваат за пет до седум дена. Во изминатите две години, како што рече, биле направени само пет надзори за животна средина.
Градоначалничката информира дека за два месеци расчистиле 120 диви депонии и најави драконски казни за загадувачите.
