Онлајн настава, Ходаи: Околу 44 проценти од учениците биле постојано деконцентрирани
Активистот Бленди Ходаи во своето денешно гостување во „Емисијата 200“ на Алсат се спротивстави на континуираните изјави на Министерството за образование и наука за успешна реализација на учењето преку Интернет. Според него, истражувањето на Сојузот на средношколци нотирало многу недостатоци.
„Значителен број ученици влегоа во училиште за прв пат од средината на ноември. Значи, учебната година започна во октомври, додека значителен број ученици влегоа во училиште некаде во средината на ноември“, рече меѓудругото Ходаи.
Ходаи вели дека покрај доцнењето и другите проблеми со технологијата, учениците за време на онлајн наставата постојано биле дефокусирани од предавања.
„Скоро 44 проценти од студентите се многу деконцентрирани и имале отворено повеќе `табови` на Интернет. Некој коментираат дека доброто од учењето преку Интернет е тоа што можат истовремено да учат, но и да гледаат Нетфликс“, вели Ходаи.
