ВЕСТИМАКЕДОНИЈА

Општина Тетово ја разреши директорката на гимназијата Теута Лала

На барање на училишниот совет, Општина Тетово ја разреши директорката на гимназијата „Кирил Пејчиновиќ“, Теута Лала. Одлуката за разрешување доаѓа по внатрешна ревизија, која констатирала повеќе прекршоци. Во меѓувреме, Општината покрена и тужба против Лала.

„Општинската внатрешна ревизија констатирала прекршоци во рамките на институцијата Гимназија „Кирил Пејчиновиќ“, затоа истите како извештај ги доставивме до советот на гимназијата, и врз основа на овој извештај и прекршоците што ги разгледаа, му предложивме на градоначалникот на општината разрешување на директорката на Гимназијата“, рече Назми Даути, раководител на сектор за образование во општина Тетово.

Извештајот што го обезбеди Алсат ги потврдува прекршувањата во осум точки: реализација на некои градежни работи без важечки договор со фирмата, без формирање надзорна комисија за реализација на градежните работи и немање соодветна документација за реализација на овие градежни работи.

Разрешената директорка Теута Лала, ја нарече ревизијата селективна, најавувајќи и жалба.

„… го опфаќа периодот само додека сум јас директорка и голем временски период не е опфатен со ревизијата, и се сомневам дека се работи за селективна ревизија. Токму за ова, јас во консултација со законот констатирам дека градоначалникот презел забрзани дејствија, и ќе ги следам законските чекори против ова прашање“, рече Лала.

Алсат дознава дека општинската внатрешна ревизија постапува и во неколку други основни и средни училишта.

Башким Сулејмани

Прикажи повеќе

Related Articles

Back to top button