Осум лица се уапсени, од кои четворица за обид за палење на државното знаме за време на прославата на 28 Ноември

Полицијата уапси 8 лица поврзани со инцидентите за време на прославата на 28 Ноември во Скопје

И лицето што го тргна македонското знаме, и тој кој беше фатен на дело како се обидува да го запали македонското знаме, веќе се во притвор, а против нив ќе бидат преземени сите соодветни дејствија предвидени со закон. Четворица од 8-те уапсени, според министерот за внатрешни работи, ризикуваат да бидат осудени на најмалку 1 година затвор. Тошковски вели дека се работи за поединечни групи и дека полицијата ги истражува сите видеа на социјалните мрежи.

Според министерот ќе се анализираат сите околности и индиции за да се види зошто во моментов се случуваат вакви инциденти. Тој недвосмислено порача дека нема да дозволат поттикнување на меѓуетнички тензии и дека одлучно ќе одговорат на секое сценарио или обид за дестабилизација на државата.

И основното јавно обвинителство најави дека се преземаат сите потребни дејствија за расчистување на инцидентот со сквернавењето на државното знаме./Алсат.мк
Ајнур Бафќари