Едно археолошко откритие во јужна Англија фрла ново светло за односите меѓу древна Европа и Кина. Имено, во еден регион во Хемпшир пронајдена e кинеска бакарна монета која потекнува од периодот на кинескиот цар Жен Цонг, а датира од периодот меѓу 1008-та и 1016-ттата година.
Станува збор за паричка со дијаметар од 2 и пол сантиметри. Била откриена на поле каде имало многу други артефакти кои датираат од средниот век, како и кинеска керамика увезена во 14 век.
Ова откритие покажува дека вековните врски меѓу Европа и Кина датираат од многу поодамна отколку што се сметаше досега.
