Партиите презедоа конкретни чекори за деблокирање на Собранието

Партиите презедоа конкретни чекори за деблокирање на Собранието. ВМРО-ДПМНЕ ќе ги повлече сите амандмани на законот за државјанство со кои овој закон беше блокиран досега. За возврат, оваа партија бара коалицијата Алијанса за Албанците и Алтернатива, да ги повлече амандманите од законите на петтиот економски пакет.

ВМРО-ДПМНЕ очекува нов предлог за законот за државјанство што произлегува од договорот меѓу премиерот Зоран Заев и албанската опозиција. Покрај тоа, тие бараат вклучување или да бидат информирани за деталите за новото законско решение за државјанство.

Од Алијансата за Албанците и Алтернатива велат дека ќе останат на своите заложби.

„Секако преземам одговорност за загриженоста на сите граѓани, но тие ќе мора да бидат третирани еднакво. Нашите претседатели исто така изјавија дека во моментот кога ќе се отстрани блокадата за законот за државјанство во Комисијата за одбрана и безбедност, секако дека ќе го сториме и ние истото за петтиот економски пакет во Комисијата за финансирање и буџет “.

„Левицата“ нема амандмани за законот за државјанство. Велат дека и покрај амандманите на законите на петтиот економски пакет од страна на Алијансата за Албанците и Алтернатива, законите ќе беа донесени ако ова беше целта на мнозинството.

Албанската опозиција пред извесно време со десетици илјади амандмани го блокираше оденсувањето на закони, вклучително и оние за петтиот економски пакет, како услов за деблокирање на законот за државјанство, кој беше блокиран со амандманите на ВМРО-ДПМНЕ.

Fatlume Dervishi