ВЕСТИЕКОНОМИЈА

Пендаровски и Бислимоски разговарале за енергетската криза

За стабилноста на македонскиот електроенергетски систем и предизвиците со кои се соочува земјата, како и за владината уредба за прогласување на кризна состојба во енергетскиот сектор, разговарале денеска претседателот на државата Стево Пендаровски и претседател на Регулаторната комисија за енергетика Марко Бислимоски, соопштија од Кабинетот на Претседателот.

Бислимоски го информирал претседателот Пендаровски за активностите што се преземаат и предвидените мерки во иднина, за капацитетите на домашното производство, како и за правата и обврските на носителите на лиценци за вршење на енергетските дејности.

Претседателот Пендаровски посочил дека е неопходно да се преземат сите мерки со цел успешно справување со предизвиците наметнати од глобалната енергетска криза, санирање на енергетскиот сектор и потребите на пазарот, како и соработка меѓу државните институции и компаниите од енергетскиот сектор.

Одлуката за прогласување на кризна состојба според Претседателот е нужна, со цел поефикасно спроведување на мерките и справување со предизвиците од енергетската криза.
Владата на 9 ноември прогласи кризна состојба во енергетскиот сектор.

Прикажи повеќе

Related Articles

Back to top button