Пендаровски не верува во успешен домашен судски „ветинг“

Додека некои сметаат дека ветингот е спас од корумпираните функционери и лидери, други се сомневаат дека овој процес би можел да биде успешен. Претседателот Стево Пендаровски во интервју за Алсат рече дека искуствата од другите земји докажале оти ветингот можеби нема да ги донесе очекуваните резултати.

Истото мислење го дели и Државната комисија за спречување на корупцијата.

ДУИ во 2020 година предложи закон за ветинг на судиите, обвинителите, избраните и именуваните функционери и е подготвена да го направи тоа повторно.

Алијанса за Албанците вчера побара одобрување на низа закони и измени за борба против корупцијата на повеќе нивоа и соопшти дека во следниот период ќе се заложи за нивно спроведување. Меѓу нив, закон за ветинг на судии и обвинители, закон за формирање Канцеларија за конфискација на криминално стекнат имот, закон за ветинг на интегритетот и богатството на лицата кои се избираат, именуваат или вршат јавни функции и слично.

Останатите партии засега не ги коментираат барањата на Алијанса додавајќи дека треба да ги видат во форма на конкретни иницијативи./Alsat.mk

Фатлуме Дервиши