Петрески: Минимална плата од 20.000 ден до 2024, моментално тешко остварливо

Согласно моменталните економски услови, ветеното зголемување на минималната плата на 20 000 денари до 2024 година е висок таргет, смета Благица Петревски, од институтот за економски истражувања и политики, „Фајнанс тинк“. Во нејзиното вечерашно гостување во емисијата „Економски Магазин“ на Алсат, говорејќи на оваа тема, таа вели:

„Даденото ветување од 20 000 денари до 2024 година е исклучително висок таргет согласно моменталните услови и е тешко остварливо. Кога сме веќе кај платите, сметам дека треба да влеземе во фаза кога ќе оставиме пазарните механизми да функционираат, односно на среден рок да се обидеме таа плата да ја движиме преку пораст на продуктивноста на трудот“, вели Петрески.