Починаа четири луѓе во тетовската болница поради Ковид-19

Четири пациенти хоспитализирани поради Ковид-19 се починати во период од 24 часа до седум часот утринава, информираат од тетовската клиничка болница и Ковид центарот. Починатите се на возраст од 53, 63, 65 и 78 години.

– Во текот на последните 24 часа примени се нови шест пациенти, а пуштени се дома осум луѓе. Сите 102 лица кои се на болничко лекување се на кислородна поддршка, информираше д-р Гзим Нуредини, координатор во Ковид центарот.

Помош од лекарите преку прегледи и контроли побарале 147 луѓе.