Поголем буџет на Куманово за тековната година
Од вкупниот буџет на општина Куманово за тековната година 387.027.281 денар се наменети за нови капитални инвестиции, над 154 милиони е развојниот буџет соопшти кумановскиот градоначалник, Максим Димитриевски. Тој пишува дека новите вложувања ќе бидат наменети за инвестиции во инфраструктура, образование, спортско рекретаивни капацитети и други сегменти.
-Во 2022 година влегуваме со сериозни планови за развој и буџет, со цел Куманово да стане поубаво и поурбано место за живеење. На 28. декември 2021 година, Советот на Општина Куманово го усвои буџетот за 2022 година. Продолжуваме таму каде што застанавме, со нови инвестиции во образованието, во инфраструктурата, во нови спортско-рекреативни капацитети, во хигиената и заштита на животната средина, културата, спортот, социјалната заштита за ранливите групи и сите други значајни сегменти за градот и граѓаните пред сè. Со зголемен развоен буџет и зголемен буџет за капитални инвестиции ќе продолжиме да го развиваме градот и во 2022 година-напиша Димитриевски.
Вкупниот буџет на општината е 2.129.010.516, основниот е 886.043.267, а развојниот 154.700.007 денари.
