ВЕСТИМАКЕДОНИЈА
Погребната поворка се движи кон гробиштата во Кочани
Поворката од роднини, пријатели, граѓани и возилата во кои се загинатите од Кочани полека се приближува кон градските гробишта.
Advertisements
Поворката ја предводат млади луѓе кои во рацете држат фотографии на дел од загинатите во пожарот.
По нив одат погребните возила со телата на загинатите.
Сите улици во Кочани се полни со луѓе кои се упатени кон градските гробишта за да им оддадат последна почит на загинатите.
Има засилено полициско присуство заради обезбедување на настанот.
Досега сѐ се одвива многу достојно, со ред. Најголем дел од новинарските екипи се на главниот пат од каде можеа да ја снимат поворката, но во близина на гробиштата, како што и повикаа надлежните, речиси и да нема новинарски екипи.
