Пописот на население, домаќинства и домување ќе се спроведе во април

Собранието го отвори патот за попис во април оваа годиПописот на население, домаќинства и домување ќе се спроведе во април. Собранието со 62 гласа „за“ го одобри Законот кој беше поддржан и од опозицијата од редовите на Албанците. Сепак, координаторот на пратеничката група на Коалиционата Алијанса за Албанците и Алтернатива Скендер Реџепи, потсети на забелешките што ги имаат, како што се недостатокот на методологија, фактот дека тие не веруваат во Заводот за статистика за спроведување на процесот и дека немаше поширока расправа за Законот. Процесот, за кој велат дека нужно ќе биде политички, ќе се следи внимателно и на крајот тие ќе дадат своја оценка.

„Од статистичка операција, сакале или не, се претвори во политичка операција. Самиот попис покажува дека треба да биде така затоа што правата на Албанците ќе зависат од завршувањето на операцијата за попис.

Пратениците на ВМРО ДПМНЕ не влегоа во салата, со исклучок на координаторот на пратеничката група. Никола Мицевски кој рече дека законските одредби нема да донесат вистински резултати. Пописот ќе се спроведе од 1 до 21 април. Во него ќе бидат вклучени државјани кои имаат место на живеење или престој во Република Македонија, без оглед дали се во земјата или во странство за време на пописот, странски државјани кои се во нашата земја со дозвола за престој, жители без државјанство кои за време на пописот се нашле во нашата земја, домаќинства и домови. За граѓаните кои работат или привремено престојуваат во странство, податоците се обезбедени од блиско возрасно лице, кое исто така мора да го даде и неговиот матичен број. Овие лица ќе имаат можност да се самопопишат преку специјална апликација на веб – страницата на Заводот за статистика, почнувајќи од 1 март до 21 април.

Пописот нема да го вклучува странскиот дипломатски персонал и нивните семејства, странскиот воен персонал, членовите на странските институции и невладини организации кои престојуваат во земјава, странски државјани кои за време на пописот се во нашата земја за работа, во приватна посета, лекување, туризам и слично патување. Пописот ќе се спроведе на седум јазици, македонски, албански, турски, ромски, влашки, српски и босански, односно на  јазикот што го бара лицето кое се попишува. Илјадници попишувачи ќе бидат ангажирани на терен и податоците ќе бидат пренесени директно на електронски уреди, во специјална апликација. Податоците ќе бидат вкрстени со податоците на десет други институции. Државниот завод за статистика во наредните денови треба да ја дефинира Методологијата за попишување на терен.

Fatlume Dervishi