Поповска: Предложениот закон за минерални суровини во интерес на концесионерите, а на штета на државата

Новиот предлог закон за минерални суровини има повеќе недостатоци и треба да му претходи поширока јавна расправа, според Лилјана Поповска од Зелен институт тоа е причината 33 невладини организации да побараат негово повлекување од собраниска процедура.

„Измените претставуваат олеснувања за концесионерите, а на сметка на државата, втора група дефекти се што овозможува штети за животната средина и трето, овозможува тргување со политичко влијание и овозможува избегнување на плаќање данок за концесионерите“, вели Поповска.