Поради блокираните тротоари, учениците во Тетово одат по опасните улици

Автомобили паркирани на тротоарите што го попречуваат движењето на учениците од основните училишта, недостиг на знаци и во повеќето случаи отсуство на полициски патроли за да се избегнат овие пречки за учениците. Ова е секојдневната слика што се појавува на улиците пред основните училишта во Тетово. Директорите велат дека често се случуваат и несреќи.

Меѓу најопасните патишта за деца каде што често има несреќи е патниот  правец кој поминува до ОУ „Истигбал“ и гимназијата „Кирил Пејчиновиќ“. Како резултат на тоа, минатата година невнимателен возач удри во девојка која за среќа заврши со полесни повреди. Директорите на училиштата велат дека поднеле барање барем таа улица да стане еднонасочна и да има редовно физичко присуство на полицијата, но сепак тоа остана само барање.

„Ризикот е многу голем, особено пред нашето училиште, ни треба физичко присуство на полицијата, да се стават знаци на патот. Исто така, побаравме улицата да биде еднонасочна затоа што има мали деца. Во исто време, гимназијата гравитира тука и има многу хаос во текот на денот. Имаше случаи на невнимателни возачи минатата година и пред две години беше прегазена девојка“, вели Зулќуфли Зибери, педагог ОУ „Истигбол“.

„Потребни се повеќе знаци, но повеќе има потреба од полиција да ги ослободат тротоарите за пешаците да можат слободно да се движат без разлика дали се ученици или родители. Потребно е да се постават знаци, од Мема до Арабати затоа што на делот од училиштето на 100 метри ги имаме овие хоризонтални и вертикални сообраќајни знаци“, додава Џељал Алили – Директор на ОУ „Наим Фрашери“.

Од СВР Тетово недостигот на физичко присуство на полицајци пред основните училишта го оправдуваат со малиот број ученици кои одат на настава поради пандемијата.

Башким Сулејмани