Потпишан договорот за брз автобус во Скопје

Градоначалникот на Скопје, Петре Шилегов, министерот за финансии, Фатмир Бесими, министерот за транспорт и врски, Благој Бочварски и претставникот на Европската банка за обнова и развој го потпишаа договорот за „Брзи автобуси“ во Скопје.

„Денес го потпишуваме овој договор со кој официјално започнува постапката за „Брзи автобуси“, со ова остваруваме 40-годишен сон на скопјани. Скопје е првиот град на Балканот кој го спроведува овој систем преку кој ќе се намали сообраќајниот метеж, но тоа исто така ќе влијае на загадувањето на воздухот“, рече  Шилегов, додавајќи дека автобусите ќе бидат на хибриден погон, односно на струја и гас.