Преговори за новата влада, денеска средба Ковачевски – Гаши

Мандатарот Димитар Ковачевски ги продолжува средбите со коалиционите партнери пред да го предложи составот на новиот кабинет на Владата. По средбата вчера со лидерот на ДУИ, Али Ахмети, тој денеска се сретна со лидерот на Алтернатива Африм Гаши и двајцата коалициски партнери Маја Морачанин и Павле Трајанов. Никој не дава детали за имињата за кои се разговара.

„Разговаравме и за иднината на државата и владиниот план за држава со европска и прогресивна ориентација. Алтернатива, како дел од новата влада, ќе биде посветена на унапредување на државата кон европското семејство и градење на прогресивната држава“.

Трајанов пред денешната средба за медиумите рече дека има барања што ги бара од новиот премиер; една изборна единица, формирање на Агенција за борба против криминалот и тешката корупција, повторени судски постапки за сите монтирани предмети, итн.

Ковачевски се очекува на почетокот на следната недела да го предложи составот на новиот владин кабинет и тој да се гласа на 15 и 16 јануари. Не се очекува да бидат вклучени некои од најекспонираните министри во кабинетот на Заев, додека некои ресори ќе бидат разменети меѓу партнерите.

Fatlume Dervishi