Премиерот Заев не размислува за оставка

Премиерот Зоран Заев денеска изјави дека не размислува да даде оставка. Неговиот коментар доаѓа по вчерашното барање да си поднесе оставка од претседателот на Алијансата на Албанците, Зијадин Села. Заев вели дека во изјавата на Села да си даде оставка од морална причина, гледа политикантство, желба за власт и за победа на изборите.

Во однос на понудените оставки за пожарот во модуларната ковид болница во Тетово, премерот рече дека нема дополнителен коментар. Тој останува на ставот дека прво ќе ги причека форензичките извештаи.

Зошто за оставки од морални причини, се чека истрага за кривична одговорност?
Лидерот на Алијанса, Зијадин Села, вчера во гостување на ТВ 21 рече дека трагедијата во Тетово е доволна причина за оставка и на премиерот Заев.
Оставките досега понудија министерот и заменикот за здравство и директорите на тетовската болница.

Во пожар во модуларната ковид болница во Тетово на 8 септември загинаа 14 луѓе.