Приватните превозници и советниците на Град Скопје се договорија за поскапување по километар
Приватните превозници и советниците на Град Скопје се договорија за поскапување по километар
По вчерашниот договор меѓу приватните превозници и групата советници на Град Скопје, советот на вонредна седница ги разгледa барањата на приватните превозници кои бараат поскапување за километар. Ова барање на приватниците предизвика жестоки дебати меѓу советниците во Град Скопје.
Договорот за поскапување, од 70 на 100 денари за километар, за приватните превозници е цена која според синоќешниот договор ќе се применува од 1 декември до мај 2025 година, кога истекува договорот и за приватните превозници. За приватните превозници оваа цена е прифатлива.
„Откако ќе се склучи договорот, нема да има повеќе блокади на патиштата во Скопје и нема да има пречки за граѓаните на Скопје, но од понеделник ќе почнеме со редовна работа. Можам да кажам дека е добра цена и дека може да биде уште подобра, но во овие услови во моментов мислам дека е доволно и дека ќе можеме да функционираме нормално и да им служиме на граѓаните на Град Скопје“, рече Хисен Халили – Приватен превозник.
Околу три месеци приватните превозници сообраќале после 17 часот поради ниската цена на километар. Од понеделник се очекува приватниците да се вратат со редовните линии по постигнатиот договор за плаќањето по километар./Алсат.мк
Авни Тахири
