Продолжи вакцинацијата против ковид, досега се вакцинирани над 26.000 лица

Над 26 илјади граѓани се вакцинирани од почетокот на процесот на имунизација, додека околу 160 илјади други чекаат за вакцинација. Но има и такви кои  не доаѓаат на однапред утврдениот термин за вакцинација.  Според Министерството за здравство, над 3.400 граѓани, и покрај тоа што поднеле барање за вакцинација, воопшто не отишле на имунизација. Од овој оддел велат дека не треба да има дилема за вакцинацијата.

 Министерство за здравство

“Од 18.925 термини закажани за вакцинација, 3.407 термини не се реализирани.”

 Здравствените власти повикуваат на што побрзо масовно вакцинирање, бидејќи тоа е единствениот начин да се постигне колективен имунитет. Имунологот Александар Петличковски вели дека нема простор за двоумење. Вакцините треба да се даваат без оглед на видот.

 Според Министерството за здравство, 2.000 вакцини се примени од кинескиот производител Синофарм, како донација од Обединетите Арапски Емирати. Контингентот пристигна со авион преку Софија до Скопје, и според нив оваа алка ќе го продолжи непрекинатиот синџир на имунизација на населението. Според Министерството, уште 200.000 кинески вакцини се очекува да пристигнат до крајот на месецот преку директно купување од Пекинг.

 Подготви: Аднан Ќаили