Проф. Мустафа: Учениците од помалите одделенија може да останат неписмени

Речиси неписмени ученици – ова може да бидат крајниот резултат од оваа учебна година кога повеќе ученици следат учење од далечина, додека делумно со физичко присуство. Професорот Авзи Мустафа предупредува дека може да имаат поголеми последици учениците кои оваа година поминаа во трето одделение и кои не успеаја да ги стекнат потребните вештини за писменост.

„Кога започна онлајн наставата, за оние што беа во второ одделение кога се учат основите на пишување и првично читање, резултатот не беше постигнат, тие останаа на такво ниво. Ќе имаат многу лош ракопис, нема да ги знаат буквите. Потоа, кога ќе започне наставата на странски јазици, наставата на македонски јазик, ќе имаме несогласување помеѓу учењето на мајчиниот јазик и другите јазици што учениците ги учат. Ќе имаме неуки ученици, со лош ракопис и функционална неписменост“, вели професорот Мустафа.

Професор Мустафа проценува дека најдобро решение би било наставата да започне по завршувањето на есенскиот бран на вирусот, со физичко присуство за сите ученици.

„Немаме култура да работиме со ученици дома. И, оваа настава  каде се одржува од страна на учениците, никој не знае. Може да бидат на пазар, во автобус, да ги отвораат мобилните телефони, од таму да дадат одговори, кога нема одговор, се обидува на некој начин да каже дека интернетот не е во ред, не те слушам, го исклучува и ова доведува до штета на генерациите“, додава проф. Мустафа.

И покрај бројните забелешки, Министерството за образование објави дека онлајн учењето го следат околу 87% од учениците.

Мелихате Рустеми