КОШАРКА

Нови протоколи во НБА за невакцинираните кошаркари

Американската Националната кошаркарска федерација (НБА) објави „Протокол за здравје и безбедност“ на 65 страници за сезоната 2021/22, вклучувајќи насоки за вакцинирани и невакцинирани играчи.

Правилата за невакцинирани кошаркари вклучуваат секојдневно тестирање за ковид-19, социјална оддалеченост до два метра на состаноци на тимот, забрана да се јаде во иста просторија со други играчи, забрана за посета на барови, ресторани, клубови, места за забава или големи собири.

Правилата им даваат многу поголема слобода на вакцинираните играчи. Од нив не се бара да подлежат на тестирање, освен ако не биле во близок контакт со лице кое имало позитивен тест на коронавирус. Дури и по близок контакт со болно лице, играчот нема да биде ставен во карантин.

Според последните податоци, повеќе од 90 проценти од НБА-играчите се вакцинирани. Сепак, има неколку големи ѕвезди, како Кајри Ирвинг (Бруклин), Бредли Бил (Вашингтон) и Ендрју Вигинс (Голден Стејт), кои јавно се противат на вакцинацијата.

Прикажи повеќе

Related Articles

Back to top button