Раст на кинеската економија во првиот квартал од годинава

Кинеската економија порасна за 18,3 проценти во првиот квартал од оваа година, во споредба со истиот период лани. Станува збор за најголемиот скок на бруто домашниот производ откако Кина почна да води квартални евиденции во 1992 година. Сепак, бројот е нешто понизок од она што го очекуваа дел од светските економисти кои предвидуваа раст од 19 проценти. Лани поради пандемијата кинеската економија во првиот квартал се намали за 6,8 проценти, , но за годинава се планира раст од 6 насто.