Речиси 80% од учениците во основно училиште „Кочо Рацин“ во село Огњанце општина Петровец немаат економска можност да се вклучат во онлајн настава

Речиси 80% од учениците во основно училиште „Кочо Рацин“ во село Огњанце општина Петровец немаат економска можност да се вклучат во онлајн настава. Како што вели раководителот на училиштето, Ахмет Незири, многу семејства имаат три или четири деца во училиште а поседуваат само еден телефон. Со цел децата да не губат часови, училиштето им дозволи во мали групи и според протоколи, физички да доаѓаат во училиштето за да се консултираат со наставниците и да добиваат пишани материјали.

„Во консултација со колегите сметавме дека на овој начин тие навистина немаат средства за поврзување онлајн. Овозможивме на овој начин да има физичко присуство, според протоколите, по тројца ученици им даваме материјали, некакво објаснување, но многу малку, наставниците го даваат материјалот и ги ослободуваат учениците да се вратат дома”.

Учениците доаѓаат на училиште физички еднаш неделно. Како што велат, овој начин на учење е единствената можност да не се изостави процесот на учење“.

„Колку деца од вас одат на училиште? Три сестри и еден брат. Сите следите часови со само еден телефон? Да немаме можност да купиме друг телефон, сите работиме со еден телефон.“

„Наставниците ни овозможија да дојдеме на училиште со физичко присуство, да ги земеме задачите што треба да ги направиме, да одиме дома да ги напишеме, и потоа повторно да ги вратиме на училиште. Дали имате можност од дома да ја следите наставата онлајн. Зошто не можеме да следиме настава преку интернет, доаѓаме на училиште “

„Не можам да научам математика на француски јазик преку интернет. Нема кој да ја објасни задачата по математика. Ако бевте на училиште, ќе беше полесно? Да… затоа што наставникот секој ученик го повикува на табла и му ги објаснува задачите “

Во приградското училиште „Кочо Рацин“ од село Огњанце, учат околу 180 ученици од прво до деветто одделение. И покрај малиот број ученици и паралелки со помалку од 20 ученици, Министерството за образование не дозволи ова училиште да спроведува образование со физичко присуство за ученици од четврто до деветто одделение. За разлика од ситуацијата на терен, Министерството за образование постојано повторува дека над 90% од учениците биле успешно вклучени во онлајн учење.

Melihate Rustemi