Рекорден број на смртни случаи од ковид во Русија

Руската влада соопшти дека регистрирала 890 смртни случаи на ковид-19 на 2-3 октомври, што е рекордна бројка од почетокот на пандемијата. Бројките беа пријавени од владината работна група за коронавирус, која исто така рече дека регистрирала 25.769 нови случаи во истиот временски период, 4.294 од нив во Москва.

Русија официјално регистрираше повеќе од 7,5 милиони инфекции со коронавирус, со повеќе од 210,000 смртни случаи. Меѓутоа, се претпоставува дека бројот на починати е поголем.