Рекореден Предлог-буџет за справување со кризата и фискална консолидација

Предлог-буџетот за 2023 година предвидува вкупни приходи од 282 милијарди денари (4,58 милијарди евра), расходи од 324,8 милијарди денари (5,28 милијарди евра) и буџетски дефицит на ниво од 4,6 проценти од планираниот БДП. Економски раст се очекува да биде 2,9 проценти, а инфлацијата 7,1 процент. Надворешниот долг се очекува да биде под 60 проценти.

Од опозициската ВМРО-ДПМНЕ реагираат дека ова е најгломазниот буџет, и дефицит кој е надвор од сите рамки на одржливост.

Министерот за финансии Фатмир Бесими вчера на прес-конференција посочи дека Предлог-буџетот има за цел да се одржи економскиот раст, да се извршат редовно сите обврски на државата и да се поддржат реформите и евроинтегративните процеси.