Роланда Кадриу од Алијанса, премина во Огнената група на ДУИ

Од огнената група на ДУИ велат дека незадоволството од работата на Владата довело до зголемување на бројот на оние кои се приклучуваат на оваа група, која бара смена на Артан Груби од партијата и од извршната власт, како и од другите министри, кои се обвинети за нереализирање на партиската програма но и за раздор во ДУИ. Ова го вели Изет Меџити за Алсат по објавата што ја објави синоќа на својот Фејсбук профил дека и членот на Централното собрание на АА, Роланда Превала Кадриу, се приклучила, како што вели, на каузата што ја предводи огнената група во рамките на ДУИ.

„Нашата реакција се сфаќа како искрена, таа се одрази не само во структурата, туку и надвор од структурата. Особено кога една опозициска партија една година пред избори кога останува само еден буџет да се реализира без политички аргументи, односно без динамика, влегува во Влада само да намами некои функционери. Зборувам за Алијанса за Албанците, што значи дека тие поминаа 10 години стоејќи зад раководството и на крај да направат дневни пазари“, рече Изет Меџити, потпретседател на ДУИ.

Токму несогласувањето со партиската одлука да влезе во владата е причина Роланда Превала Кадриу да ја напушти Алијанса за Албанците. Изет Меџети рече дека проширувањето на владата со Алијанса за Албанците не го зајакнало мнозинството и дека целта на нејзиното влегување во владата било  да ја спаси владата. Тој вели дека незадоволството од работата на ДУИ е големо, но според него тоа не значи дека ќе има ново движење или нова партија.

„Остануваме на ставот дека ќе се бориме во рамките на Демократската унија за интеграција, затоа што од првиот ден сме таму, така што го знаеме духот, ја знаеме програмата на ДУИ. Мислам дека овој народ кој 20 години ја поддржува оваа партија заслужува многу подобра извршна власт, со повеќе реализации, со повеќе проекти а не извршна власт од Фејсбук или лажни промоции“, додаде тој.

Барањето на Меџити и другите високи членови на ДУИ за смена на Груби во континуитет го одбиваше  од првиот човек на партијата, Али Ахмети, по што двете групи познати како „Огнена“ и Ахметисти одржуваат средби за да ги изнесат своите ставови. на поддржувачите./Алсат.мк

Мефаил Исмаили