Русија го поддржува „Отворен Балкан“
Рускиот министер за надворешни работи, Сергеј Лавров, денеска требаше да ја започне дводневната посета на Белград.
Но, посетата беше отежната од фактот што Бугарија, Северна Македонија и Црна Гора му забранија на неговиот авион да лета над нивниот воздушен простор.
Како што оцени Лавров, она што се случи е незамисливо и ја лишува суверената држава да го оствари своето право.
Но, она што се истакна во неговите изјави е споменувањето на иницијативата „Отворен Балкан“, пренесува „Телеграфи“.
Во тој контекст, тој изјави дека Брисел не сака Лавров и српските претставници да разговараат за „нашето стратешко партнерство кое брзо се развива, како и меѓународните прашања“, пишуваат српските медиуми како Данас и Н1.
„Очигледно, лидерите на Брисел не сакаа да ја потврдат позицијата на Русија за Косово и БиХ, да изразат поддршка за иницијативата на Белград за Отворен Балкан и да разговараат за интересите за подобрување на односите меѓу земјите од регионот.
Така, како што се толкува, пишува српскиот медиум Данас, Лавров всушност признал чија идеја е Отворен Балкан.
Инаку, Отворен Балкан е иницијатива која ја формираа Србија, Албанија и Северна Македонија.
Во меѓувреме, Косово и Босна и Херцеговина продолжуваат да ја отфрлаат, при што Црна Гора сигнализира дека може да се приклучи на иницијативата.
