Русија соопшти дека повлекла повеќе од 30.000 војници од Херсон

Русија соопшти дека повлекла повеќе од 30.000 војници од јужниот украински регион Херсон, вклучувајќи го и регионалниот главен град, додека Киев соопшти дека украинските сили влегуваат во градот.

„Вкупно, повеќе од 30.000 руски војници, воена опрема и материјал се повлечени“, соопшти Министерството за одбрана. „Ниту едно парче воена опрема или оружје не остана на десниот (западен) брег“.