Вакцината против коронавирусот на Џонсон и Џонсон може да предизвика „мал можен ризик“ за ретка, но потенцијално опасна невролошка реакција, соопштија американските здравствени власти. Во соопштението на Центрите за контрола и превенција на болести (ЦДЦ) се вели дека примиле извештаи за 100 лица кои примале вакцина кај кои се развил синдромот Гилијан-Бар, нарушување на имунолошкиот систем што може да предизвика мускулна слабост, а понекогаш и парализа. Тој број на случаи претставува мал дел од скоро 13 милиони Американци кои примиле вакцина со единечна доза. Повеќето случаи на овој несакан ефект се јавуваат кај мажи, од кои многумина биле постари од 50 години; и обично им се случувало околу две недели по вакцинирањето.
