Претседателката на Косово, Вјоса Османи, изјави дека владата „ги презеде сите мерки“ за да му ги обезбеди на Центарот за семејна медицина во Дечани сите потребни лекови за лекување на пациенти хоспитализирани за труење, чија причина засега не е позната. „Сега чекаме биолошка анализа, очекуваме да заврши за неколку часа“, изјави Османи за медиумите. Претседателката на Косово рече дека очекува надлежните институции итно да се справат со тој случај. Претходно, министерот за здравство на Косово, Арбен Витиа, рече дека двата сомнителни смртни случаи забележани во последните 24 часа во општина Дечани немаат никаква врска со неодамнешните труења што се случија во овој регион.
