Село гори, невестата се чешла, летово пополнети сите термини за свадби!

Со почетокот на годинава почнаа и резервациите за свадби за летната сезона. Во повеќето ресторани, јули и август се полни. Без да сакаат да зборуваат пред камерите, сопствениците на ресторани велат дека свадбите што биле откажани минатата година поради пандемијата, обезбедиле термин за пролетва, Но, голем проблем е што сè уште не е познато дали овие семејни забави ќе можат да се организираат. Од хотелскиот сектор во Министерството за економија велат дека се подготвува протокол за 133-те сали за венчавки регистрирани во земјава да можат да работат во оптимални услови во текот на сезоната.

„Врз основа на приватниот сектор, во зависност од капацитетот на рестораните, може да се организираат големи свадби, но и свадби со помал број на гости. Според протоколот, може да се предвиди 4 лица на маса, со 2 метра оддалеченост. Имаме многу големи ресторани кои можат да примат 500 гости без да ги прекршат протоколите.“

Но, последниот збор е кај здравствените власти кои ќе одлучуваат врз основа на епидемиолошката состојба. Комората на угостители бара протоколите за организирање настани во затворен простор да се направат што е можно поскоро. Првиот човек на оваа комора вели дека за свадби се согласуваат да работат со половина капацитет за гости и со скратено работно време.

Според практиките во европските земји, во затворен простор може да има 1 гостин на 4м2. Ова значи дека ако еден ресторан има капацитет за 100 лица, за свадба можат да се соберат само 50. Музиката во живо и орото се посебни точки кои се очекува да бидат разгледани. Според Комората на угостители во овој сектор, сопствениците на сали за венчавки се меѓу најпогодените бидејќи воопшто не работеа цела година. Штетите се во милиони евра и во другите сродни гранки кои се поврзани со свадбите како што се кетерингот, фризерите, златарите, кројачите, фотографските и видео студија и многу други сектори.

Adan Qaili