Северна Македонија и Косово продолжуваат со заедничките истраги за фалсификувани пари

Истрагите за фалсификувани пари продолжуваат и во Северна Македонија и во Косово. Властите на двете земји со оперативна помош на Европол, работат на откривање на криминалната мрежа која фалсификуваше монети од 2 евра. Главниот осомничен, Шкелзим Демири, е во притвор во Косово. Во истражната постапка тој се гони во својство на вработен во МВР, со години вработен како полициски службеник и возач на поранешниот началник на Одделот за уништување на организиран криминал, Ветон Кранлиевски.

Во неформални околности, се дознава дека се упатени и истражители од Скопје до Секторот за внатрешни работи, за да се најдат докази кои би можеле да бидат поврзани со активноста на Демири, а Внатрешната контрола од друга страна истражува дали полициските структури од МВР се дел од мрежата на Шкелзим Демири. За разлика од Косово, во Северна Македонија бројот на фалсификувани монети е значително помал. Поголемиот дел од фалсификуваните монети завршија на патарини.

„Според нашите податоци за периодот од 22.11.2022 до 31.07.2023 година откриени се вкупно 7141 парчиња фалсификувани монети од 2 евра, со вкупна вредност од 14.282 илјади евра и 251 парче фалсификувани монети од 1 евро со вредност од 251 евро. Вкупно беше откриено дека 14.533 евра се фалсификувани“, велат од ДРЖАВНИ ПАТИШТА НА РСМ .

Со вакви ситуации се соочувале и граѓаните на Македонија. Менувачниците ги покажува начините на кои тие ги откриваат фалсификуваните пари.

„Кога ќе го ставите вака, ако падне, тоа е лажно. Ако остане, не е лажно. Ако дојдат да ги променат, не ги земеме“, рече Артан Аџирули, сопственик на менувачница .
„Ми се случи на Косово кога бев пред два месеци. Сакав да платам во продавница со две евра, ми рекоа дека е лажна“, нагласи еден граѓанин.

Во ноември минатата година, косовската полиција уапси шест лица, од кои тројца државјани на Северна Македонија. Во нивните автомобили се пронајдени повеќе од 85 илјади евра пари од по 2 евра./Алсат.мк

Адриан Керими