Шест обвинети во случајот “Двојник” за лажните пасоши признаа вина

Шест обвинети во случајот “Двојник” за лажните пасоши признаа вина. Меѓу нив е и посредникот Раиф Мифтари. Обвинителството посочи дека групата издала 215 пасоши и при тоа злоупотребиле идентитети на македонски граѓани. Останатите шест кои рекоа дека се чувствуваат невини ќе дојдат во суд на 7 ми мај за да продолжи судењето за нив. Акцијата Двојник полицијата ја спроведе минатиот месец кога ги уапси службениците во МВР и посредникот, кои ги правеле пасошите за лица со криминално минато. Претходно аферата со лажни пасоши ја објави ВМРО – ДПМНЕ.