Шилегов има амбиции за втор мандат како градоначалник на Скопје

Градоначалникот на Скопје, Петре Шилегов има амбиции за втор мандат. Сработеното во изминатите три години биле доволна причина да побара поддршка за неговата кандидатура од партија.

„Сите ангажмани коишто ги имав во изминативе три години ми даваат за право да побарам поддршка СДСМ да ја поддржи мојата кандидатура. Јас, како легалист, ќе се држам до таа постапка и процедура. Тоа номинално ќе биде барање поддршка во рамките на органите на СДСМ“, вели Шилегов, додавајќи дека неговите односи со првиот човек на партијата и премиер на државата, Зоран Заев се „прекрасни“.