Фудбалскиот клуб Шкендија нема да учествува на Собранието на oпштинската лига на Тетово и нема да ги почитува одлуките што ќе бидат донесени на редовното Собрание на ФФМ, закажано за 14 март. Клубот соопшти дека нема да назначи делегати за организација на Изборното собрание во Тетово на 18 февруари, ниту за Изборното собрание на ФФМ. Нема да ја прифати ниту валидноста на овие избори. Тетовскиот тим сака да се најде компромис меѓу ФФМ и Агенцијата за млади и спорт и да се овозможи претставување на репрезентацијата на Македонија на Европското првенство, а потоа да има нови избори и во Тетово и во Федерацијата.
